لۆگۆی دەزگای گشتی کاروباری مین لە هەرێم.
15 تیمیان بێ ئۆتۆمبێلن
دەزگای مین داوای ئۆتۆمبێل دەکات
964+
پێشەوا محەمەد
دەزگای گشتی کاروباری مین داوا لە رێکخراوی UNMAS دەکات ئۆتۆمبێلیان بۆ دابین بکەن و سەرۆکی دەزگاکەش دەڵێت، بەڵێنیان پێدراوە.
964 دەزانێت دەزگاکە ساڵانێکە کێشەی ئۆتۆمبێلی هەیە و بەو هۆیەوە تا ئێستا نەیانتوانیوە 15 تیمی گەڕانیان بخەنەوەکار.
جەبار مستەفا، سەرۆکی دەزگای گشتی کاروباری مین بە 964ـی راگەیاند، 35 تیمیان هەیە و ئۆتۆمبێلیان بەشی 20 تیم هەیە و ناتوانن ئەوانی تر بخەنەوە سەر کار.
وتیشی، “ئەو رێکخراوە پیشتریش چوار ئۆتۆمبێلی پێداوین و بەڵێنیشیان دا کە هی زیاترمان بۆ دابین بکەن”.
UNMAS رێکخراوێکی نێودەوڵەتییە و هاوکاری دەوڵەتە زیانلێکەوتووەکان دەکات بۆ بەرزکردنەوەی توانا و جێبەجێکردنی ئەرکەکانیان لە بواری میندا.