لە سنووری کەرکوک
بە هێرشی فڕۆکە چوار چەکداری رێکخراوی داعش کوژران
964+
توانا نەقی
لە ئۆپەراسیۆنێکدا و بە هێرشی فڕۆکە لەسنووری قەزای داقوقی کەرکوک چوار چەکداری رێکخراوی داعش کرانە ئامانج و کوژران.
ئەمڕۆ شەممە، فەرماندەیی ئۆپەراسیۆنە هاوبەشەکانی کەرکوک بڵاویکردەوە، دوای بەدواداچوون و لێکۆڵینەوەکەنایان توانیویانە شوێنی چەند چەکدارێکی داعش ئاشکرا بکەن و بە فڕۆکەی F16 بۆردومانی شوێنەکەیان بکەن.
دەشڵێت، ئۆپەراسیۆنەکە لە ناوچەی دۆڵی زەغیتون بووە لە سنووری ناحیەی رەشادی قەزای داقوق و توانراوە مۆڵگەیەکی ئەو چەکدارانە خاپور بکەن و چوار چەکدار کوژراون.
ئۆپەراسیۆنەکە کاتژمێر 6:50 خولەکی ئەم ئێوارە ئەنجامدراوە و راستەخۆ بە فەرمان و لە ژێر رێنمایی سەرۆک وەزیرانی عێراق کراوە.
