مادە دەستبەسەردا گیراوەکان. وێنە: میدیاکانی ئیسپانیا
زیاتر لە نۆ تۆن مادەی هۆشبەر لە ئیسپانیا گیرا
964+
ژووری هەواڵ
پۆلیسی ئیسپانیا دەڵێت، لە ناوچەی باشوری وڵاتەکەی دەستی گرتووە بەسەر نۆ تۆن و 436 کیلۆگرام کۆکایندا.
پۆلیس ئەوەی بە گەورەترین بڕی مادەی هۆشبەر ناوبردووە کە لە یەک ئۆپراسیۆندا گیرابێت.
لە راگەیەندراوێکدا و بەبێ ئەوەی ناوی بهێنن، دەسەڵاتدارانی ئیسپانیا دەڵێن، گەورەترین تۆڕی بازرگانی مادەی هۆشبەر لە ئەوروپا خاوەندارێتی ئەو کۆکاینە دەکات.
ئەوەش هاتووە، کە سەرەداویان دەستکەوتووە ئەو مادەی هۆشبەرە لە ئەمریکای لاتینەوە، بە تایبەت لە ئیکوادۆرەوە، گەیشتبێتە ئیسپانیا بە مەبەستی بڵاوکردنەوەی بە تەواوی ئەوروپادا.