دیمهنێكی دهرهوهى زانكۆى سلێمانى .. وێنه : راگهیاندنى زانكۆ
عێراق لیستی زانکۆ باوەڕپێکراوەکانی هەرێمی بڵاوکردەوە
964+
فه‌رهاد حه‌سه‌ن
وەزارەتی خوێندنی باڵا و توێژینەوەی زانستی عێراق، نوێترین لیستی زانکۆکانی عێراقی بۆ ساڵی 2023 – 2024 بڵاوکردەوە، له بەشی شەشەمی رێبەرەکەشیدا لیستی زانکۆ حکومیەکانی ھەرێمی کوردستانی دیاریكردووه.
به‌پێی ئه‌و رێبه‌ره‌ى وەزارەتی خوێندنی باڵای عێراق، ھەر زانکۆیەکی ھەرێم یان عێراق لە چوارچێوەی ئەم رێبەرە نەبێت دەرچووەکانی ناتوانن سود لە بڕوانامەکانیان وەربگرن بۆ دامەزراندن لەسەر حکومەتی عێراق و ناشتوانن سودمەندبن لەو زەمالانەی پێشکەش بە عێراق دەکرێن.
ئه‌وه‌ش هاتووه كه ھەر زانکۆیەکی ھەرێم یان عێراق لە چوارچێوەی ئەم رێبەرە نەبێت دەرچووەکانی ناتوانن لە دەرەوەی وڵات بخوێنن و یەکسانکردنى بڕوانامەشیان لە عێراق بۆ ناکرێت.
باس له‌وه‌شكراوه، ھەر زانکۆیەکی حکومی ھەرێمی کوردستان لە چوارچێوەی ئەم رێبەرە نەبێت دەرچوەکانی تەنھا دەتوانن لە وڵاتی ئێران درێژە بە خوێندن بدەن لە دەرەوەی وڵات.
