هەینیە و رۆژی خنکانە: منداڵێک لە دەربەندیخان خنکا

964+
میلاد جەلال

کاتژمێر 5:30ـی ئێوارەی ئەمڕۆ هەینی، منداڵێک لە بەنداوی دێوانەی سنوری قەزای دەربەندیخان خنکاوە و دوای نزیکەی کاتژمێرێک لە گەڕان بەدوای تەرمەکەیدا ئینجا دۆزراوەەتەوە و دەرهێندراوە.

وادیارە منداڵەکە تەمەنی نزیکەی 13 ساڵ بێت

کەیوان ئەحمەد بەڕێوەبەری بەرگری شارستانی دەربەندیخان بە964ـی وت، “منداڵەکە تەمەنی نزیکەی 13 ساڵە و دانیشتووی قەزای دەربەندیخانە، بەمەبەستی مەلەکردن لەگەڵ دوو ھاوڕێی دیکەی ھاتوونەتە سەر بەنداوەکە”.

وتیشی، کەمێک لەمەوبەر تەرمەکەی رەوانەی پزیشکی دادوەری قەزای دەربەندیخان کراوە.

تەنیا ئەمساڵی 2023 و تا ئێستا، لە هەرێمی کوردستان سەروو 60 کەس لەناو ئاودا خنکاون.