هەرێم و بەغدا هەماهەنگییە ئەمنییەکانیان تووندوتۆڵ دەکەن

964+

پێشەوا محەمەد

هێزە ئەمنییەکانی هەرێم و بەغدا لە ناوچە جێناکۆکەکان هەماهەنگییە ئەمنییەکانیان بە مەبەستی جڵەوکردنی جوڵەی رێکخراوی داعش پتەوتر دەکەن.

رۆژنامەی سەباحی نیمچەفەرمی عێراق لە ژمارەی ئەمڕۆ یەکشەممە 13.8.2023ـیدا بڵاوی کردووەتەوە، ئەو هەماهەنگییە بووەتە هۆکاری چەسپاندنی ئەمنییەتی زیاتر لەو ناوچانەی داعش جوڵەی تێدا دەکات.

رۆژنامەکە ئۆپرسێۆنێکی شەوی شەممە 12.8.2023ـی بە نموونە هێناوەتەوە، کە بە هاوبەشی هێزە ئەمنییەکانی بەغدا و هەرێم لە پارێزگای کەرکوک ئەنجام دراوە و تیایدا چوار چەکداری داعش دەستگیر کراون، کە تیایدا سەرکردەیەک هەیە و لە پارێزگاکەدا بەرپرسی دروستکردنی بۆمب و زرێپۆشکردنی ئۆتۆمبێل بووە.

ئەو رۆژنامەیە ئاشکراشی کردووە، ئۆپراسیۆنەکان ناوچە کشتوکاڵییەکانی سنوورەکەی گرتووەتەوە و لە هەر شوێنێک پێویست بێت لێی ئەنجام دەدرێت.