کوردێکی مەقلەبچی سەدان ملیۆن بینەری هەیە لە تۆڕەکانی کۆمەڵایەتی
964+
سیروان خورشید
لە قەزای دوزخورماتوو گەنجێکی دەسڕەنگین هەیە بە ناوی رزگار، ئەو بە رەفتارە کۆمیدییەکانی سەدان ملیۆن بینەری لە سۆشیاڵ میدیا کۆ کردووەتەوە.
رزگار رەشید، 10 ساڵە شاگردی خواردنگەیەکە و پێنج ساڵیشە دەستی بەم کارەی کردووە، بە قسەی خۆی “بۆ دڵخۆشکردنی ئەوانەی سەردانی خواردنگەکەیان دەکەن”.
لەناو خەڵکی ناوچەکە و ئەو کەسانەی لە ناوەڕاست و خوارووی عێراقەوە رێیان دەکەوێتە خواردنگەکە، ناوبانگی ئەم پیاوە 35 ساڵە بە “رزگاری مەقلەبچی” ناسراوە.
مەقلەبچی، بە کەسێک دەوترێت کە فێڵ لە خەڵکی بکات و کتوپڕ زیرەکانە بارودۆخەکە بۆ پێکەنین و خۆشی و شادی بگۆڕێت.
رزگار رەشید، لە رێگەی 964ـەوە داوای کرد، هونەرمەندە کوردەکان سەردانی بکەن بۆ ئەوەی زیاتر بەناوبانگ ببێت.