بڕێکی زۆر پارەی ساختە دەستی بەسەرداگیرا

964+

توانا نەقی

دەزگای ئاسایشی هەرێم دەست بەسەرداگرتنی بڕێکی زۆر پارەی ساختە کە زیاترە لە 41 ملیۆن دیناری راگەیاند.

ئەمڕۆ چوارشەممە، ئاسایشی سلێمانی بڵاویکردەوە، لەلایەن ئاسایشی راپەڕینەوە دەستگیراوە بەسەر 41 ملیۆن 500 هەزار دینار و گومانلێکراوێکیش بە ناوی (ع، ح، ج) دەستگیرکردووە.

ئەوەش هاتووە، دوای بەدواداچوونەکانی ئاسایش لە 27.7.2023 ئەو کەسەیان دەستگیرکردووە و بڕە پارکەش لە جۆری 25 هەزار دیناری ساختەیە کە لەدەرەوەی عێراق دروستکراوە.

کەسەکە بەنیاز بووە پارە ساختەکان لە بازاڕەکانی هەرێم و ناوەڕاست و خوارووی عێراق سا‌غ بکاتەوە.

ئێستا تۆماتبار بە فەرمانی دادوەر و بە مادەی 281ـی لە یاسای سزادانی عێراقی راگیراوە و لێکۆڵینەوە لەگەڵی بەردەوامە.