بانکی ناوەندی بە رێژەی 25% فرۆشی دۆلاری بۆ ناوخۆ زیاد کرد
964+
فەرمان سادق
بەراورد بە دوێنێ، بانکی ناوەندی زیاتر لە 11 ملیۆن دۆلاری بۆ فرۆشی ناوخۆ زیاد کرد.
ئەمڕۆ چوارشەممە 2.8.2023، بانکی ناوەندی فرۆشتنی 222 ملیۆن و 888 هەزار و 377 دۆلاری راگەیاند، لەم بڕەدا 46 ملیۆن و 500 هەزار دۆلاری بۆ ناوخۆ بووە و 176 ملیۆن و 388 هەزار و 377 دۆلاری بۆ حەواڵەی دەرەکی بووە.
بەراورد بە دوێنێ سێشەممە، بانکی ناوەندنی فرۆشی دۆلاری بە رێژەی 25% بۆ ناوخۆ زیاد کردووە کە بڕەکەی دەگاتە 11 ملیۆن و 640 هەزار دۆلار.
تاوەکو کاتژمێر 11ـی سەر لە بەیانی ئەمڕۆ چوارشەممە، بەهای 100 دۆلار بۆ فرۆشتن لە بازاڕەکانی بۆرسەی کوردستان 151.750 دینار بووە، بۆ کڕینیش 250 دینار کەمتر بووە.