لۆگۆی وەزارەتی دارایی
هێشتا كاتی دابهشكردنی موچهی مانگی حوزهیران دیار نییه
964+
ئهرسهلان عهبدوڵا
لهگهڵ ئهوهی نیوهی مانگی تهمووز تێپهڕی، هێشتا لیستی دابهشكردنی موچهی فهرمانبهرانی ههرێمی كوردستان رانهگهیهندراوه، وتهبێژی حكومهتی ههرێمیش دهڵێت تهنیا به داهاتی ناوخۆ موچه دابین ناكرێت.
ئهمڕۆ دووشهممه 17.7.2023یە و هێشتا وهزارهتی دارایی ههرێمی كوردستان لیستی دابهشكردنی موچهی فهرمانبهرانی ههرێمی بۆ مانگی حوزەیرانی رانهگهیاندووه و دیاریش نییه كهی رایدهگهیهنێت.
لهگهڵ ئهوهشدا وهزارهتی دارایی رایگهیاندووه، لیستی موچهی مانگی حوزهیران ئامادهیه و چاوهڕێ دهكهن بهغدا شایسته داراییهكان بخاته سهر حیساب بانكیی ههرێم.
ههر بۆ ئهم مهبهسته له دوێنێوه شاندێكی ههرێمی كوردستان بۆ بهدواداچوون لهسهر بابهت و شایسته داراییهكانی كوردستان له بهغدان و كۆبوونهوهیان لهگهڵ لایهنه پهیوهندیدارهكان كردووه.
پێشهوا ههورامانی، وتهبێژی حكومهتی ههرێمی كوردستان دوێنێ ئێواره له كۆنگرهیهكی رۆژنامهوانیدا ئاماژهی بهوه دا، پێشتر نەوت 83%ی داهاتی حکومەتی هەرێمی پێکدەهێنا و 17%ی داهاتی ناوخۆش پڕی دەکردەوە، بەڵام ئێستا ئەو لە 83%یه نەماوە و بە داهاتی ناوخۆش موچە نادرێت.
لەوەتەی 25.3.2023 هەناردەکردنی نەوتی هەرێمی کوردستان بۆ دەرەوە وەستاوە و هەوڵەکان بەردەوامن بۆ دەستپێکردنەوەی.
هەورامانی ئاشكرای كرد، هەفتەی رابردوو حکومەتی هەرێم نووسراوی بۆ حکومەتی عێراق کردووە بۆ ناردنی شایستە داراییهكان و موچهی فهرمانبهرانی كوردستان.
به گوێرهی زانیارییهكانی تۆڕی 964، چاوەڕوان دەکرێت لە دوو رۆژی داهاتوودا بهغدا پارهی موچهی فهرمانبهرانی كوردستان بنێرێت.