کارمەندێکی تەندروستی لەکاتی پشکنینی خوێنی نەخۆش _ وێنە: وەزارەتی تەندروستی حکومەتی عێراق
وەزیری تەندروستی عێراق وا دەڵێت
تای خوێبەربوون لە عێراق لە خوار ئاستی جیهانییە
964+
فەهمی نەبی
وەزیری تەندروستیی عێراق رایگەیاندووە، تا ئێستا 377 کەس دووچاری تای خوێنبەربوون هاتوون و ئاستی نەخۆشییەکە لە عێراق لە خوار ئاستی جیهانییە.
ئەمڕۆ چوارشەممە، ساڵح حەسناوی وەزیری تەندروستیی حکومەتی عێراق، ئاماری تووشبوان بە نەخۆشی تای خوێنبەربوونی بڵاوکردەوە، بەپێی ئامارەکە 14%ی ئەوانەی دووچاری هاتوون گیانیان لەدەستداوە، هەروەک ئاژانسی هەواڵی عێراقی بڵاویکردەوە.
سەرچاوەکانی تەندروستی عێراق دەڵێن، هێشتا رێژەی تووشبوون بە نەخۆشی تای خوێنبەربوون لە عێراق لە خوار ئاستی جیهانییە.
سەبارەت بە هەرێمی کوردستان، داتاکانی وەزارەتی تەندروستیی هەرێم رایانگەیاندبوو، لەوەتەی نەخۆشی تای خوێنبەربوون بڵاوبووەتەوە بە حاڵەتەکەی ئەمڕۆ چوارشەممەی کۆیە، 15 حاڵەت تۆمارکراوە و لەو ژمارەیەش پێنج کەس گیانیان لەدەستداوە.