سرێدز لە پێنج رۆژدا 100 ملیۆن بەشداربووی تێپەڕاند
964+
كوردستان ئەحمەد
پلاتفۆڕمە نوێیەكەی كۆمپانیای مێتا، لەماوەی تەنها پێنج رۆژدا سەروو سەد ملیۆن بەشداربووی تێپەڕاند.
پلاتفۆڕمەکە بەشێكە لە پلاتفۆڕمەكانی كۆمپانیای مێتا، بۆ ركابەری تویتەر دامەزراوە، لە رۆژی پێنجشەممە 6.7.2023، بە فەرمی پلاتفۆڕمی سرێدز كرایەوە.
بیرۆکەی دروستکردنی پلاتفۆڕمەکە لە توڕەیی و نیگەرانی بەکارهێنەرانی تویتەر سەریهەڵداوە، دوای ئەوەی ئەوانەی لە تویتەر هەژماریان هەبوو لە رێکارەکانی ئیلۆن مەسک، سەرۆکی جێبەجێکاری کۆمپانیای تویتەر نیگەران و بێزار بوون.
ئەمڕۆ ئەپی پلاتفۆڕمەكە لە لایەن زیاتر لە 100 ملیۆن بەكارهێنەرەوە دابەزێنراو بەكاردەهێنرێت.
بەپێی ئەوەی تاوەکو ئێستا لە ئاپ ستۆر بەردەستە، پلاتفۆڕمی سرێدز (Threads) بە ئینستاگرام بەستراوەتەوە، بەڵام وەک هەژمارێکی سەربەخۆ کار دەکات.