هێزەکانی پێشمەرگە. وێنە/سۆشیاڵ میدیا
هاوپەیمانان 20 ملیۆن دۆلاریان بۆ موچەی پێشمەرگە نارد
964+
هاوبەش ئەبوبەکر
هاوپەیمانان بڕێک پارەیان خستووەتە سەر حسابی وەزارەتی دارایی و یەکشەممە بەو پارەیە موچەی لیوا هاوبەشەکانی پێشمەرگە دەدرێت.
بە پێی زانیارییەکانی 964 کە ئەمڕۆ پێنجشەممە لە سەرچاوەیەکی وەزارەتی دارایی دەستیکەوتووە، بڕی هاوکارییەکەی هاوپەیمانان بۆ وەزارەتی پێشمەرگە 20 ملیۆن دۆلارە.
جگە لە ئەنجامدانی مەشق و راهێنان و هاوکاریکردنیان له‌لایه‌ن هاوپه‌یمانانه‌وه، ئەمریکا مانگانە بڕی 20 ملیۆن دۆلاری بۆ موچەی هێزەکانی پێشمەرگە تەرخانکردووە.
ئەو پارەیە بۆ 13 لیوای وەزارەتی پێشمەرگەیە و نزیکەی 30 هەزار پێشمەرگە لێی سوودمەند دەبن.