300 دوكاندارى گه‌ڕه‌كێكی سلێمانى گردبوونه‌وه
964+
رێژوان مامه – سلێمانى
نزیكه‌ى 300 دوكاندارى گه‌ڕه‌كی به‌ختیارى له شاری سلێمانى له‌به‌رده‌م شاره‌وانى ئه‌و شاره گردبوونه‌وه‌و داواى پێداچوونه‌وه به بڕیارو رێنماییه‌كانى شاره‌وانى ده‌كه‌ن كه بووه‌ته رێگر له به‌رده‌م كاروبارى رۆژانه‌یان.
پشده‌ر كه‌ریم، نوێنه‌رى خاوه‌ن دوكانى ئه‌و گه‌ڕه‌كه به 964ـى وت، شاره‌وانى پێیوتوون نابێ بستێك كه‌لوپه‌له‌كانى دوكانه‌كانتان بهێننه ده‌ره‌وه.
وتیشی “ئه‌و بڕیاره ته‌نیا له كۆڵانه‌كه‌ى ئێمه هه‌یه و له كۆڵانه‌كانى ترى ئه‌و گه‌ڕه‌كه نیه”.
پشده‌ر داواكاره، شاره‌وانى لیژنه‌یه‌كیان بۆ بنێرێت و به‌روونى پێیان بوترێت ئیشوكاره‌كانتان به‌و شێوه‌یه به‌ڕێوه ببه‌ن.
پێداچوونه‌وه: فه‌رهاد حه‌سه‌ن