24 بەنگلادیشی لەناو تانکەرێک دەستگیرکران
964+
کاروان ساڵحی – کەرکوک
لە بازگەی مەریم بەگ و لە ناو ئۆتۆمبێلێکی تانکەری گواستنەوەی ئاو 24 بەنگلادیشی دەستگیرکرا.
ئەمڕۆ چوار شەممە 5.7.2023 لە بازگەی مەریەم بەگ لە باشوری رۆژئاوای کەرکوک کە دەکەوێتە نێوان کەرکوک – تکریت لەناو تانکەرێکی گواستنەوەی ئاو 24 بەنگەلادیشی دەستگیرکران کە بە نیازبوون بە قاچاغ بڕۆنە پارێزگای تکریت.
سەرچاوەیەکی ئەمنی لە بازگەکانی کەرکوک بە 964ی وت، بەیانی ئەمڕۆ لە کاتی پشکنین بۆ ئۆتۆمبێلێکی جۆری تانکەری گواستنەوەی ئاو 24 هاوڵاتی بەنگلادیشی دەستگیرکران کە شۆفێری ئۆتۆمبێلەکە بە نیازبوو بە قاچاغ بیان گوازێتەەوە بۆ پارێزگای تکریت بە مەبەستی کار کردن.
وتیشی، هیچ کام لەو 24 بەنگلادیشیە کارتی نیشتەجێبوونی هاتنە ژوورەوەی نێو پارێزگاکانی حکومەتی ناوەندییان نەبووە، ئێستا سەرجەمیان رادەستی بەڕێوەبەرایەتی نیشتەجێبوون کراون سەرجەم ئەو بەنگلادیشیانە لەبەر گەرمای ناو تانکەرەکە بە جلی ژێرەوە خۆیان حەشاردابوو.
پێداچوونەوە: توانا نەقی