دیمەنێک لە ئاسمانەوە شاری خانەقین نیشان دەدات _ وێنە: 964
ئەو تۆمەتبارەی لە بەندیخانەی خانەقین رایکردبوو دەستگیر کرا
964+
راژان باجەڵان – خانەقین
ئەو تۆمەتبارەی لە بەندیخانەی خانەقین رایکردبوو، شەوى رابردوو لە شاری سلێمانی دەستگیر کرایه‌وه.
رۆژى هەینی 30.6.2023 لە کاتی نوێژی نیوەڕۆدا تۆمەتبارێک لە رێی کونێکی بچووکی موبەریدە بە سەربانى بەندیخانەدا رای کرد.
بەندیخانەی بنکەی پۆلیسی خانەقین دەکەوێتە سەنتەری بازاڕی شارەکە.
سەرچاوەیەک لە پۆلیسی خانەقین بە 964ـی راگەیاند، پاش هەماهەنگی پۆلیسی خانەقین و بەشی هەواڵگری دژە تیرۆری خانەقین لەگەڵ ئاسایشی سلێمانی، شەوى رابردوو توانرا لە گەڕەکی سەرچناری سلێمانی دەستگیر بكرێته‌وه.
وتیشی “دەستگیرکراو بە پێی هەردوو مادەی 443 و 444 تۆمه‌تباره”.
پێداچوونه‌وه: فه‌رهاد حه‌سه‌ن