ئاگرەکەی ماوەت 470 دۆنم پوش و پاوان و باخی سووتاند

964+

هاوبەش ئەبوبەکر

ئاگرێکی فراوان لە سنووری ماوەت لە پارێزگای سلێمانی بۆ ماوەی 24 کاتژمێر، لە دووەم و سێیەم رۆژی جەژندا بەردەوام بوو، 450 دۆنم پووش و پاوان و 20 دۆنم رەز و باخی هاوڵاتیانی سووتاند.

ئاگرەکە رۆژی شەممە 30.6.2023، لە سنووری گوندی دۆڵبێشك-ی شارباژێڕ کەوتبووەوە و تاوەکو رۆژی دواتر بەردەوام بووە، تا ئێستا هۆکارەکەی نازانرێت.

جگە لە بەشی پۆلیسی دارستانی ماوەت و بنکەی گاپێڵۆن، خەڵکی گوندی دۆڵبێشك-یش هاوکار بوون لە کۆنترۆڵکردنی ئاگرەکە، ئەمە وتەی هێمن کەمەرخان، وتەبێژی پۆلیسی دارستان و ژینگەی سلێمانییە بۆ 964.

لە رێکەوتی 26.6.2023ـش لە هەمان گوند ئاگر کەوتەوە و سەدان دۆنم زەوی پووش و پاوان و دارستانی سنووری گوندەکانی دۆڵبێشک و باناڵێ، ئالانقۆز سنووری قەزای ماوەتی گرتەوە.