سلێمانی دوو رۆژی جەژنی بە 31 حاڵەتی ناکاوەوە بەڕێکردووە

964+

پێشەوا محەمەد

لە دوو رۆژی رابردووی جەژندا 31 حاڵەتی ناکاو لە سلێمانی روویانداوە و هیچ کەسێک گیانی لەدەستنەداوە.

نۆ حاڵەتیان رووداوی هاتوچۆ بوون و ئەوانی دیکە کەوتنەخوارەوە، بوورانەوە و زەخت دابەزین بوون.

سەرجەمیان براونەتە نەخۆشخانە و هیچ حاڵەتێکی ناجێگیری مەترسیدار تۆمار نەکراوە.

سامان نادر، بەڕێوەبەری سەنتەری 122ـی فریاکەوتنی خێرای سلێمانی بە 964ـی راگەیاند، رووداوەکان سووک بوون و لە چاو بۆنەیەکی وەک جەژنی قوربان رووداوەکان لەناو شاری سلێمانی کەم بوون.