یارییە ئاگرینەکانیان فرۆشت و داخران

+964
هونەر فارس – كەلار

دوو دوكان لە دەربەندیخان یاریی ئاگرینیان فرۆشتبوو، داخران و سەرجەم یارییە ئاگرینەكانیش دەستیان بەسەردا گیرا.

دوکانەکان دەکەونە سەر شەقامی 30 مەتری قەزاکە و هەریەک بۆ ماوەی هەفتەیەک لە لایەن لیژنەکانی قایمقامیەتەوە داخران.

سەرچاوەیەک لە لیژنەی قایمقامیەتیی قەزاکەوە، هۆکاری داخستی دوکانەکانی بۆ بێزاری و سکاڵای هاوڵاتیان گەڕاندەوە و جەختیشیکردەوە، کە تا هەفتەیەک بۆیان نییە دوکانەکانیان بکەنەوە.

ئەو سەرچاوەیە بە 964یشی وت، بەدواداچونەکانیان بەردەوام دەبن و هەر دوکانێک لە جەژن و بۆنەکاندا یاریی ئاگرین بفرۆشێت لێپێچینەوەی لەگەڵدا دەکەن و دوکانەکەشی پێ دادەخەن.

964دەزانێت، لەگەڵ نزیکبوونەوەی بۆنە و ئاهەنگەکان بە شێک لە دوکاندارەکان بە مەبەستی قازانجکردن پەنا دەبەنە بەر فرۆشتنی یارییە ئاگریینەکان و ئەوەش دەبێتە هۆی بێزارکردنی هاوڵاتیان لە شار و شارۆچکەکاندا.

بە بۆنەی جەژنی قوربانەوە، لە سەرجەم پارێزگا و شارو شارۆچكەكانی كوردستان. هەڵمەتێك بۆ دەستبەسەراگرتنی یارییە ئاگرینەكان و تەقەمەنییەكان دەستیپێكردووە و چەندین ناوچەش داخران و دەست بەسەر بڕێكی زۆریشدا گیراوە.

پێداچوونەوە: كوردستان ئەحمەد