تونێلی دەربەندیخان دادەخرێت

964+

توانا نەقی

بە هۆکاری شۆردن و پاککردنەوە و کێشانی هێلکاری هاتوچۆ بۆ ناو تونێلی دەربەندیخان 24 کاتژمێر تونێلەکە دادەخرێت.

ماوەیەک پێش ئیستا بۆ ماوەی چەند مانگێک تونێلی دەربەندیخان بەڕووی شۆفێراندا داخرا بۆ نۆژەنکردنەوەی.

سلێمان محەمەد، قایمقامی دەربەندیخان بە 964ـی راگەیاند، لە کاتژمێر 12:00ـی ئەمشەوەوە تاوەکو کاتژمێر 12:00ـی شەوی سبێەنی 27.6.2023 تونێلەکە دادەخرێت.

وتیشی، شۆفێران وەکو جارەکانی پێشوو دەتوانن رێگای شاخی بەرانان بەکار بهێنن تا تونێلەکە دەکرێتەوە.

تونێلەکە دەشۆردرێت و پاک دەکرێتەوە و هێلکاری هاتوچۆی بۆ دەکرێت لە ڕووی کارەباشەوە هیچ کێشەیەکی نیە، رەنگە لەو 24 کاتژمێرە کەمتری پێبچیت، قایمقامی دەربەندیخان وای وت.