شارەوانی چەمچەماڵ: تاسەی نایاسایی ناهێڵین
964+
هۆگر عەدنان – چەمچەماڵ
شارەوانی چەمچەماڵ تەواوی تاسە نایاساییەکان لادەبات، کە لە لایەن هاوڵاتیان و خاوەن دوکانەکانەوە دروستکراون.
هەڵمەتەکە لە رۆژی دووشەممەی رابردووەوە دەستیپێکردووە و ئەمرۆ چوارشەممە 21.6.2023 بە ئامێر و تیمی زیاترەوە تاسەکان لادەبرێن.
گۆران فاتیح، بەرپرسی لیژنەی زیادەڕۆیی لە شارەوانی چەمچەماڵ بە 964ی راگەیاند، هەڵمەتەکە سەرجەم کۆڵان و گەڕەک و ناوبازاڕی شاری چەمچەماڵ دەگرێتەوە.
وتیشی، “سکاڵایەکی زۆری هاوڵاتیان هەبوو لەسەر ئەوانەی تاسەی نایاسایی لێدەدەن، بۆیە ئەم هەڵمەتە بە چاودێری ئاسایش و پۆلیس بە هاوکاری شارەوانی و قایمقامیەت ئەنجام دراوە”.
تاسەی نایاسایی بەوانە دەوترێت کە خاوەن ماڵ یان دوکان بێ گەڕانەوە بۆ شارەوانی لە بەردەم دوکان یان کۆڵان و سەرشەقامەکان دروستی دەکەن.
پێداچوونەوە: پێشەوا محەمەد