وێستگەیەکی گەڕۆکی کارەبا لە چەمچەماڵ کەوتەکار

964+

هاوبەش ئەبوبەکر

بە نزیکەی شەش ملیار دینار وێستگەیەکی بەرهەمهێنانی کارەبا لە چەمچەماڵ دروستکرا و ماوەی دوو رۆژە خراوەتە کار، وەزارەتی کارەباش دەڵێت سودێکی زۆرى بۆ دانیشتوانی ناوچەکە و نەهێشتنی بارزۆری کارەبا لە قەزاکە دەبێت.

وێستگەکە گەڕۆکە و لەسەر دوای چەند بارهەڵگرێک جێگیرکراوە، بۆ هەر شوێنێک بتەوێت دەتوانیت بیگوازیتەوە.

توانای بەرهەمهێنانی 25 مێگاوات کارەبای هەیە و بە وێستگەی 132/11 کەی ڤی ناسراوە، لە سێ وێستگەی مۆبایل پێکدێک کە کارەبا دەگەیەننە چەمچەماڵ، سەیدسادق و دۆڵەرووتە لە سلێمانی.

وەزارەتی کارەبای هەرێم لە فەیسبووک رایگەیاند، وێستگەکە لەلایەن کۆمپانیای “شاندزەوە” دروستکراوە و لە بەرواری 3.11.2020 دەستکراوە بە جێبەجێکردنی ئەم پرۆژەیە.