دیمەنێک لە بەڕێوبەرایەتی گشتی پەروەردەی سلێمانی - وێنە: راگەیاندنی پەروەردەی سلێمانی
زیاتر لە 50 بینا سێ دەوامیان تێدایە
پارێزگای سلێمانی پێویستی بە 100 بینای قوتابخانەیە
964+
پێشەوا محەمەد
بۆ نەهێشتنی دوو دەوامی و سێ دەوامی لە بینای قوتابخانەکاندا، پەروەردەی سلێمانی دەڵێت، پێویستیان بە 100 بینای نوێیە.
لە ئێستادا لە سنووری 10 بەڕێوەبەرایەتی پەروەردەدا 1604 قوتابخانە لە 1300 بینادان.
زیاتر لە 50 بینایان لە سنووری پارێزگاکەدا سێ دەوامی تێدا دەکرێت.
ئاری ئەنوەر، بەڕێوەبەری بەشی پلان لە پەروەردەی سلێمانی بە 964ی راگەیاند، پلانی خۆیان ئاراستەی وەزارەتی پەروەردە کردووە بۆ ئەوەی بینایان بۆ دروست بکەن.
وتیشی، “حکومەتی عێراق داوای پلانیان لێکردووین و بەڵێنیان پێداوین 20 بینامان بۆ دروست بکەن و لەگەڵ رێکخراوە نێودەوڵەتییەکانیش لەسەرخەتین بۆ هەمان مەبەست”.