لاوانی ئۆرۆگوای بوونە پاڵەوانی جیهان. فۆتۆ: سۆشیال میدیا
ئۆرۆگوای مۆندیالی برده‌وه
964+
ئه‌رسه‌لان عه‌بدوڵا
هه‌ڵبژارده‌ی ئۆرۆگوای نازناوی مۆندیالی لاوانی له تۆپی پێ برده‌وه، دوای ئه‌وه‌ی له یاریی كۆتایی سه‌ركه‌وتنی به‌سه‌ر ئیتالیادا به‌ده‌ستهێنا.
به‌ره‌به‌یانی ئه‌مڕۆ دووشه‌ممه “به كاتی كوردستان” یاریی كۆتایی مۆندیالی لاوان له تۆپی پی “ته‌مه‌ن ژێر 20 ساڵان” له یاریگه‌ی دیێگۆ مارادۆنا له لاپلاتا له ئه‌رجه‌نتین به‌ڕێوه‌چوو، تێیدا هه‌ڵبژارده‌ی ئۆرۆگوای به 1-0 گۆڵ له هه‌ڵبژارده‌ی ئیتالیای برده‌وه.
تاكه گۆڵی یارییه‌كه له خوله‌كی 86 له لایه‌ن لوسیانۆ رۆدریگێز تۆمار كرا.
ئۆرۆگوای بۆ جاری شه‌شه‌مه ده‌بێته پاڵه‌وانی مۆندیالی لاوان له مێژوودا، كه خاوه‌ن ژماره‌ی پێوانه‌ییه و له دوای ئه‌و به‌ڕازیل دێت به 5 نازناو.
مۆندیالی لاوان له ماوه‌ی 31ی ئایاری رابردوو به به‌شداریی 24 هه‌ڵبژارده ده‌ستیپێكرد.
هاوكات پێش یاریی كۆتایی، له یاریی دیاریكردنی پله‌ی سێیه‌مدا هه‌ڵبژارده‌ی ئیسڕائیل له هه‌ڵبژارده‌ی كۆریای باشووری برده‌وه و پله‌ی سێیه‌می به‌ده‌ستهێنا.