گەڕەكەكانی بەفرەزۆن نۆژەن دەكرێنەوە

+964
كوردستان ئەحمەد
نەخشەسازی و دیزاینی تایبەت بە گەڕەكەكانی تەعجیل و عەرەب و خانەقا دەكرێت.

ئەو سێ گەڕەكە دەكەونە ناوەڕاستی شاری هەولێرەوە، هەرسێكیان لە گەڕەكە دێرینەكانی شاری هەولێرن و بە ناوچەی بەفرەزۆن ناودەبرێن.

بەفرەزۆن بەو شوێنانە دەوترێت كە ناوچەیەكی كۆن و دێرینە و بە بەهاوكاری یونسكۆ وەك شوێنی ئاسەواری و دێرین و گرنگ ناودەبرێت، كە دانیشتووانەكەی یان خاوەنەكەی بۆیان نییە دەستكاری بكەن و تێكی بدەن و بیشێوێنن، یان نۆژەنی بكەنەوە بەشێوازێكی خراپ.

ئەمڕۆ وەزارەتی شارەوانی و گەشت و گوزار لەگەڵ ئەنجومەنی پارێزگای هەولێر كۆبوونەوە بۆ ئەوەی ماستەرپلانێكی نوێ دابڕێژن بۆ ئەوەی بتوانن چارەسەری كێشەكانی ناوچەی بەفرەزۆن بكەن.

لەكۆبونەوەكەدا بڕیاردراوە، لیژنەیەك بەوردی چاودێری ئەو گەڕەكانە بكات كە دەكەونە بەفرەزۆنەوە و دوای تەواوبونی كارەكانیان دەستدەكرێت بە جێبەجێكردنی پڕۆژەكان.