فەرمانبەرێکی قایمقامیەتی سلێمانی لەکاتی داخستنی نوسینگەیەکی دەرهێنانی پاسپۆرت. فۆتۆ: قایمقامیەتی سلێمانی
زیاتر لە 71 ملیۆن دینار پێبژاردن کراوە
مانگی رابردوو بههۆی سهرپێچییهوه لە سلێمانی 105 شوێن داخراون
964+
هاوبەش ئەبوبەکر
قایمقامیەتی سلێمانی لە مانگی رابردوودا 71 ملیۆن و 500 هەزار دینار پێبژاردنی دارایی کردووە بۆ ئەو شوێنانەی کە سەرپێچیان کردووە و 105 شوێنی داخستووە.
هەر لە مانگی رابردوودا، لیژنه هاوبهشهكانی قایمقامیەت، 35 شوێنیان رووبەڕووی دادگا کردووەتەوە و 601 شوێنیان ئاگادار کردووەتەوە کە پابەندی رێنماییەکان بن.
قایمقامیەتی سلێمانی ئەمڕۆ سێشەممە لە فەیسبووک رایگەیاند، مانگی رابردوو زیاتر لە حەوت هەزار و 500 سەردانی بۆ دوكان، بازاڕ و شوێنه گشتییهكان ئهنجام داوه و 66 تۆن خۆراك و شتومهكی خراپ و ماوهبهسهرچووش لە دوای دەستبەسەرداگرتن لەنێوبراون.
یەک هەزار و 17 شوێن سەرپێچیان کردووە و پسوڵەیان بۆ کراوە.
بەراورد بە مانگی ئایار، قایمقامیەتی سلێمانی لە مانگی نیساندا زیاتر لە دوو هێندەی داهاتی بە پێبژاردن کۆکردووەتەوە، کە بڕەکەی گەیشتووەتە 145 ملیۆن و 600 هەزار دینار.