وێنەی دەستگیرکراوەکە و کارتە بانکییەکان. فۆتۆ: فەرماندەیی هێزەکانی سنووری عێراق
کارتەکانی لەنێو تایە شاردووەتەوە
لە کەرکوک کەسێك بە 20 هەزار کارتی بانکەوە دەستگیر کرا
964+
هاوبەش ئەبوبەکر
فەرماندەیی هێزەکانی سنووری عێراق دەستگیرکردنی کەسێکی لە کەرکوک راگەیاند، کە 20 هەزار دانە کارتی بانکی نایاسایی پێبووە.
ئەمڕۆ چوارشەممە، فەرماندەیی هێزەکانی سنوور لە فەیسبووک وێنەی تۆمەتبارەکە و کارتە بانکییەکانی بڵاوکردەوە و دەڵێت، دەستگیرکراوەکە هیچ مۆڵەتێکی نەبووە و کارەکەی پێچەوانەی یاسایە.
“تۆمەتبارەکە کارتەکانی لە ناو تایەیەکدا شاردبووەوە”، فەرماندەیی هێزەکانی سنووری عێراق وا دەڵێت.
دەستگیرکراوەکە بە فەرمانی دادوەر راگیراوە و بە پێی یاسا مامەڵەی لەگەڵدا دەکرێت، بە پێی راگەیەندراوەکەی فەرماندەیی هێزەکانی سنوور.