سن گەنمی جوتیارانی هەڵەبجەی تەنیوە

964+

پێشەوا محەمەد – سلێمانی

سن گەنمی جووتیارانی هەڵەبجەی تەنیوە، کشتوکاڵی هەڵەبجە دەڵێت، کەشوهەوا و رشتنی دەرمانی قڕکەر زیانەکەیانی کەمتر کردووەتەوە.

لە سنووری پارێزگای هەڵەبجە 70 هەزار دۆنم زەوی بە گەنم چێندراوە، بەڵام سنێکی زۆر لێیداوە و ئێستا لە قۆناغی گەرادانانە لەسەر گوڵە گەنمەکان.

شەریف مەحمود، لێپرسراوی بەشی پاراستنی خۆراک لە کشتوکاڵی هەڵەبجە بە 964ی راگەیاند، خۆشبەختانە ساردیی کەشوهەوا و رشتنی دەرمان نەیهێشتووە زۆر گەراکە گەشە بکات.

وتیشی، “ئەگەر ئەو سنە بمێنێتەوە و گەراکە گەشە بکات، گەنمەکە لە پلە یەکەوە دەکاتە پلە دوو و پلە سێ و ئەوەش دواتر کێشە بۆ بەرهەمی جووتیاران و ساغکردنەوەی دروست دەکات”.