دیمەنێک لە یارییەکە لە یاریگەی نەفتی میسان. فۆتۆ: +964
زاخۆ خاڵێكی له نه‌فتی میسان وه‌رگرت
964+
شڤان عەبدوڵا – میسان
له یارییه‌كانی خولی نایابی عێراق، یانه‌ی زاخۆ له ده‌ره‌وه‌ی یاریگه‌ی خۆیدا له‌گه‌ڵ یانه‌ی نه‌فتی میسان یه‌كسان بوو.
یارییه‌كه ئه‌مشه‌و له گه‌ڕی 28 له یاریگه‌ی نه‌فتی میسان له باشووری عێراق كرا و به 2-2 گۆڵ یه‌كسان بوون.
هه‌ردوو گۆڵه‌كه‌ی یانه‌ی زاخۆ خالید رازی و هه‌ردوو گۆله‌كه‌ی نه‌فتی میسانیش یاریزانی سووری یاسین سامیه تۆماری كرد.
هه‌ر ئه‌مڕۆ له خولی نایابی عێراق یانه‌ی دهۆك له ده‌ره‌وه‌ی یاریگه‌ی خۆی به 0-0 له‌گه‌ڵ یانه‌ی كه‌رخ یه‌كسان بوو.
هه‌روه‌ها یانه‌ی شوڕته له ده‌ره‌وه‌ی یاریگه‌ی خۆی به 2-0 گۆڵ له یانه‌ی نه‌فتی به‌سڕه‌ی برده‌وه.
دوای ئه‌م ئه‌نجامانه یانه‌ی دهۆك له پله‌ی شه‌شه‌مه به 41 خاڵ و یانه‌ی زاخۆش له پله‌ی 16یه به 31 خاڵ.
پێداچوونەوە: ئەرسەلان عەبدوڵا
