تابلۆی وەزارەتی دارایی.
پێنجشەممە موچەی مانگی نیسان دابەش دەکرێت
964+
فەرمان سادق
400 ملیار دینارەکە گەیشت و وەزارەتی دارایی لە هەوڵدایە ئەمشەو لیستی موچە رابگەیەنێت و پێنجشەممە دەست بە دابەشکردنی بکات.
سەرچاوەیەکی ئاگادار لە وەزارەتی دارایی بە 964ـی وت، 400 ملیار دینارەکە گەیشتووە و هەوڵەکان بۆ ئەوەیە ئەمشەو لیستی موچە رابگەیەندرێت یان سبەی چوارشەممە لیستەکە رابگەیەندرێت و پێنجشەممە دەست بە دابەشکردنی بکات.
هونەر جەمال، بەڕێوەبەری راگەیاندنی وەزارەتی دارایی لەسەر ئەو لیستەی دوای نیوەڕۆی ئەمڕۆ بڵاوکرایەوە، بە 964ـی وت، وەزارەتی دارایی هیچ لیستێکی بڵاو نەکردووەتەوە و ئەو لیستەی بڵاویش کراوەتەوە ساختەیە.
بەگوێرەی زانیارییەکانی دەست 964 کەوتووە، پارەی بەردەست لەبەردەست وەزارەتی دارایی هەیە، رەنگە ئەمشەو یان سبەی چوارشەممە لیستی موچەی مانگی نیسانی رابردوو رابگەیەندرێت و پێنجشەممەش بەهەمان لیستی پێشتر دەستبکرێت بە دابەشکردنی موچە.