چهند منداڵێك لهسهر شانۆ سهرقاڵى چالاكییهكن... فۆتۆ: سۆسیال میدیا
سەنتەرێك بۆ پاراستنى منداڵانى رواندز ده‌كرێته‌وه
964+
فه‌رهاد حه‌سه‌ن
بڕیاره به‌م زووانه سه‌نته‌رێكى تایبه‌ت به پاراستنى منداڵان له قه‌زاى رواندز بكرێته‌وه، به‌ڕێوه‌به‌رى چاودێرى كۆمه‌ڵایه‌تیش ده‌ڵێت، هه‌موو ئاماده‌كارییه‌ك بۆ كردنه‌وه‌ى ئه‌و سه‌نته‌ره كراوه.
ئاسوودە عەبدولعەزیز ئەحمەد، بەڕێوەبەری چاودێری و گەشەپێدانی کۆمەڵایەتی رواندز به 964ـى راگه‌یاند “لە چەند رۆژی داهاتوو سەنتەری منداڵپارێز لە بنکەی چاودێری و گەشەپێدانی کۆمەڵایەتی رواندز دەکرێتەوە “.
ئاماژه‌ى به‌وه‌شدا، بە پێی پلان و بەرنامەی وەزارەتی کار و کاروباری کۆمەڵایەتی حکومەتی هەرێمی کوردستان ئه‌و سه‌نته‌ره ده‌كرێته‌وه.
وتیشی “فەرمانبەرانی بنکەکەمان بەشداری خولێکی تایبەتیان کردووە لەسەر ئەو سەنتەرەو تێیدا منداڵ رادەهێندرێن لەسەر رێنمایی و چیرۆک و چەند بابەتێکی پەروەردەیی و نیشتیمانی”.
باسی له‌وه‌شكرد، ئه‌و منداڵانه‌ى ده‌هێندرێنه ئه‌و سه‌نته‌ره ته‌مه‌نى دیاریكراویان هه‌یه، ئه‌وانیش حه‌وت بۆ نۆ ساڵ و هه‌شت بۆ 14 ساڵه.