نەیمار. فۆتۆ: توویتەری خۆی
نه‌یمار گه‌ڕایه‌وه پاریس سانجێرمان
964+
ئه‌رسه‌لان عه‌بدوڵا
نه‌یمار جۆنیۆری یاریزانی به‌ڕازیلی، كه ئه‌م وه‌رزه بۆ ئه‌و كۆتایی هاتووه، ئه‌مڕۆ گه‌ڕایه‌وه یانه‌ی پاریس سانجێرمان و به‌رنامه‌ی چاره‌سه‌ركردنی درێژه پێده‌دات.
نه‌یمار له شوباتی رابردوو دووچاری پێكان بوو له گۆزینگی پێی و نه‌شته‌رگه‌ری كردووه، بۆیه ئێستا له به‌رنامه‌ی چاره‌سه‌ركردن به‌رده‌وام ده‌بێت، به‌ڵام هیچ سوودی بۆ یانه‌كه‌ی نییه.
ده‌نگۆی ئه‌وه‌ش هه‌یه یانه‌ی پاریس به نیازه له كۆتایی ئه‌م وه‌رزه ده‌ستبه‌رداری یاریزانه به‌ڕازیلییه‌كه ببێت.
نەیمار جونیۆری تەمەن 31 ساڵ، لە دۆحەی پایتەختی قەتەر نەشتەرگەری بۆ گۆزینگی ئەنجام دا، دواتر بۆ درێژەدان بە پرۆگرامی چارەسەری چووەتە بەڕازیل و ئه‌مڕۆش گه‌ڕایه‌وه پاریس.
نه‌یمار گرێبه‌ستی له‌گه‌ڵ پاریس تا 2025 واژوو كردووه، بڕگەیەکیش له گرێبه‌سته‌كه‌ی هه‌یه، كه رێگە دەدات تا 2027 نوێی بكاته‌وه.