لۆگۆی دامەزراوەی Ecctis
لەمەوبەدوا دەرچووانی 20 زانکۆی هەرێم دەتوانن لە زانکۆکانی بەریتانیا بخوێنن
964+
فەهمی نەبی
دامەزراوەی نیشتیمانی بەریتانی ECCTIS دانپێدانانی بۆ 20 زانکۆی هەرێمی کوردستان بڵاوکردەوە و ناوەکانیان بۆ داتاکانی ئەو زانکۆیە زیادکراوە.
ئەمڕۆ 27.4.2023 وەزارەتی خوێندنی باڵاو توێژینەوەی زانستی، لیستی دانپێدانانی ئەو زانکۆیانەی بڵاوکردەوە کە لەلایەن دامەزراوەی نیشتیمانی بەریتانیا بەفەرمی ناسێندراون.
لیستی دانپێدانانی زانکۆکانی هەرێمی کوردستان بەگوێرەی دامەزراوەی ECCTIS بریتیە لەهەریەکە لە زانکۆی ئەمریکی لەسلێمانی، زانکۆی بەیان، زانکۆی کاسۆلیک، زانکۆی جیهان، زانکۆی پۆلیتەکنیکی هەولێر و سلێمانی، زانکۆی نێودەوڵەتی هەولێر، زانکۆی نۆڵج، زانکۆی کۆیە، زانکۆی لوبنانی فەرەنسی، زانکۆی نەورۆز، زانکۆی سۆران، زانکۆی دهۆک، زانکۆی گەرمیان، زانکۆی هەڵەبجە، زانکۆی گەشەپێدانی مرۆیی، زانکۆی سلێمانی، زانکۆی زاخۆ، زانکۆی راپەڕین و زانکۆی کۆمار بۆ زانست و تەکنۆلۆژیا.
بەپێی ئەو بڕیارە بێت خوێندکارانی هەریەکە لەو 20 زانکۆیە دەتوانن لە زانکۆکانی بەریتانیا بخوێنن.
لینکی ناوی ئەو زانکۆیانەی دانپێدانانیان بۆ دەرچووە.