تیپی باسکەی دەربەندیخان. فۆتۆ: سۆشیال میدیا
دەربەندیخان میوانداریی پاڵاوتنی یانەکانی عێراق دەکات
964+
یادگار محه‌مه‌د
تیپی باسکەی یانەی دەربەندیخان بە مەبەستی گەیشن بە ریزی یانە پلە نایەبەکانی عێراق، میوانداریی رکابەرییەکانی کۆمەڵەکەی دەکات.
لەسەر راسپاردەی فیدراسیۆنی باسکەی عێراق و لە چواچێوەی یارییەکانی قۆناغی پاڵاوتنی یانە پلە یەکەکانی عێراق، یانەی دەربەندیخان لە هۆڵی تایبەت بە خۆی میوانداریی یارییەکانی کۆمەڵەی سێیەم دەکات، كه جگه لە یانەی دەربەندیخان، یانەکانی (تیجارە، فورات و دیوانییە) له‌خۆده‌گرێت.
سەرتیپ نامیق سەرپەرشتیاری تیپی باسکەی دەربەندیخان، بە تۆڕی 964ی رایگەیاند: بەخۆشحاڵییەوە یانەکەمان توانی میوانداریی کۆمەڵەکەی خۆی بکات، تا دەرفەتێکی زیاترمان هەبێت بە گەیشتن بۆ قۆناغی داهاتوو.
وتیشی: وەک تاکە نوێنەری سنووری پارێزگای سلێمانی بەشدارین لە پاڵاوتنەكه‌دا و تیپەکەمان ئامادەکارییەکی باشی کردووە، لە کۆی 13 یاریزان تەنیا دوو یاریزانی عەرەبمان هێناوە و ئەوانیتر گشتیان دەرچووی فێرگەی باسکەی یانەکەمانن.
بڕیارە لە رۆژانی 27 بۆ 29. 4. 2023 و بە بەشداریی 16 یانە، کە به‌سه‌ر چوار كۆمه‌ڵه دابەشكراون، یارییەکانی قۆناغی یەکەمی پاڵاوتنی یانە پلە یەکەکانی عێراق دەستپێبکات.
پێداچوونه‌وه: ئه‌رسه‌لان عه‌بدوڵا