بەنداوێک 10 ساڵە تەنیا 6%ی تەواوکراوە
964+
میلاد جەلال – گەرمیان
بەنداوی باوەنوور ماوەی 10 ساڵە تەنیا 6%ی کارەکانی تەواوکراوە.
دواکەوتنی کارەکانی کاریگەری بەسەر سێکتەری کشتوکاڵ و چاندن دروستکردووە و جوتیارانی دەڤەرەکە چاوەڕوانن زوو پرۆژەکە تەواو بکرێت.
عەدنان عەلی بەڕێوەبەری ناحیەی باوەنوور هۆکاری تەواونەکردنی پرۆژەکە بۆ قەیرانی دارایی دەگەڕێنێتەوە.
حاجی حەسەن جوتیارێکی ناوچەکەیە کە ساڵانە 30 دۆنم زەوی دەچێنێت بە 964ی وت، کات هەر دەڕوات و ئەوانیش هەر چاوەڕێن.
بەگوێرەی دەرخستەی پرۆژەکە، بەنداوی باوەنوور توانای گلدانەوەی 70 ملیۆن مەتر سێجا ئاوی دەبێت، بۆیە ئەگەر تەواو ببێت ئەوا دەتوانێت زەوییەکەی حاجی حەسەن و 65 ھەزار دۆنم زەوی دیکەى ئه‌و سنووره بەراو بکات.