46 ساڵە گەورە و بچووکی خانەقین پاقڵاوەکەی بابان دەخۆن

+964

راژان باجەلان – خانەقین

کارگەی شیرینی بابان، دوای ساڵانێک کارکردن لە بەغدا لە ساڵی 1977، یاسین محەمەد ساڵح، دامەزرێنەرەکەی کارگەکەی دەباتە خانەقین و 46 ساڵە لەو شارە پاقڵاوە دروستدەکات.

ناوبانگێکی زۆری هەیە، هەرزان فرۆشتن و گەڕان بەدوای قازانجی کەم و بەردەوام بووەتە نهێنی بەردەوامی و مانەوەی.

خانەقینیەکان هەر لە سەردەمی دە فلسیەوە تاوەکو هەزار دیناری، پاقڵاوەیان لەو کارگەیە کڕیوە.

کارگەکە، رۆژانە دەیان جۆری شیرنەمەنی دروستدەکات، وەک خۆیان دەڵێن، لە رەمەزاندا خواست لەسەر پاقڵاوەکە دەگاتە لوتکە و بەر ناکەوێت.

پێداچوونەوە: کوردستان ئەحمەد