بیرە نەوتێک لە کەرکوک.
راوێژکارێکی سەرۆکوەزیران:
سووتانی غاز ساڵانە 12 ملیار دۆلار زیان لە عێراق دەدات
964+
فەرمان سادق
عێراق پلانی هەیە بۆ دوو ساڵی تر وەبەرهێنان لە غاز بکات و چیتر نەهێڵێت بەفیڕۆ بچێت، ئەمەش لەکاتێکدایە راوێژکاری ئابووری سەرۆک وەزیران دەڵێت، ساڵانە بایی 12 ملیار دۆلار زیان لە ئابووری عێراق دەدات.
ئەمڕۆ هەینی 31.3.2023، مەزهەر محەمەد ساڵح، راوێژاکاری ئابووری سەرۆکوەزیرانی عێراق رایگەیاند: ئەو غازەی عێراق دەیسووتێنێت و ئەوەشی هاوردەی دەکات، ساڵانە 12 ملیار دۆلار زیان لە ئابووری عێراق دەدات.
“ئەوەی سەرۆک وەزیران بڕیاری لەسەرداوە بۆ پێشخستنی سێکتەری وزە و وەبەرهێنان لەو غازەی لە کێڵگە نەوتییەکان دەردەچێت و دەسووتێندرێت، دوو سوودی دەبێت: یەکەمیان چیتر ئەو غازە ناسووتێت و بەمەش نەک هەر دەتوانرێت وەبەرهێنان لە غازەکە بکرێت بۆ بەرهەمهێنانی کارەبا، هاوکت ژینگەش پیس ناکات، دووەمیش ئیتر غاز هاردە ناکەین”. مەزهەر محەمەد، راوێژکاری سەرۆکوەزیران وادەڵێت، ئەوەشی خستەڕوو پلان هەیە لە دوو ساڵی داهاتوودا، سووتان و بەهەدەردانی غازەکە سفڕ بکرێتەوە.