بۆ ماوەی پێنج رۆژ دوو گەڕەکی سلێمانی بێ کارەبا دەبن

964+

توانا نەقی

بەهۆی چاککردنی دوو فیدەری کارەبای سلێمانی لە کاتژمێر 7:00ی بەیانی تا 5:00ی ئێوارە بۆ ماوەی پێنج رۆژ لە کاتەکانی رۆژدا کارەبا نابێت.

بەڕێوەبەرایەتی کارەبای سلێمانی ئەمڕۆ 29.3.2023 لە پەڕەی تایبەتی خۆی لە فەیسبووک رایگەیاندووە، هەریەک لە فیدەرەکانی 72 و 74 کارەبایان دەکوژێتەوە لە رۆژدا بۆ ماوەی 10 کاتژمێر.

ئەوەشه هاتووە، بەهۆی دەستپێکردنی پرۆژەی راکێشانی هێڵێکی 33 کەی ڤی لە نێوان وێستگەی گەڕەکەکانی تاڤگە و بەردەکە  بۆ ماوەی پێنج رۆژ بە رۆژ کارەبا نابێت.

روونیشیکردووەتەوە، بەهۆی پێویستی پرۆژەکە هێڵی 11 کەی ڤی لە فیدەرەکانی (365، 74، 73، 72) بۆ ماوەی پێنج رۆژ لە بەرواری 29ی ئادار تا 2.4.2023 کارەبا نابێت.

پرۆژەکە لە لایەن کۆمپانیایەکەوە جێبەجێ دەکرێت و بە قسەی بەڕێوەبەرایەتی کارەبای سلێمانی سوودی زۆر دەبێت بۆ هاوڵاتیان