حەوت کەس لە ئاکرێ بریندار بوون

+964

سیداد حەبیب – دهۆک

لە دووڕیانی ناحیەی گردەسێن لە قەزای ئاکرێ، رووداوێکی هاتوچۆ روویدا و بەهۆیەوە حەوت کەس بریندار بوون.

نێچیرڤان فەخرەدین، بەرپرسی راگەیاندنی تەندروستیی قەزای ئاکرێ بە 964ی راگەیاند؛ ئەمڕۆ کاتژمێر 2:30 بەهۆی ئەو رووداوەوە حەوت بریندار گەیەندراونەتە نەخۆشخانەی فریاکەوتنی ئاکرێ.

ئەوەشی خستەڕوو، پێنج لە بریندارەکان رەوانەی نەخۆشخانەی فریاکەوتنی پارێزگای هەولێر کراون، کە سەرجەمیان خەڵکی قەزای خەباتن، بریندارەکان پێکهاتوون لە پیاوێک و شەش ژن، ئێستاش باری تەندروستییان جێگیرە و هیچ مەترسییەک لەسەر ژیانیان نییە.

پێداچوونەوە: ئەرسەلان عەبدوڵا