سێ منداڵیش بریندارن
پارچەی درۆنە تەقێندراوەکانی سێبیران زیانی جۆراوجۆری بەجێهێشتووە
964+
ئەحمەد شەمزین – هەولێر
بەهۆی تەقاندنەوەی چەند درۆنێک لە ئاسمانی هەولێر لە سێبیران بەهۆی کەوتنی پارچەکانیانەوە زیانی جۆراوجۆر بەر هاوڵاتیانی مەدەنی کەوتووە و سێ منداڵیش بریندارن.
پەیامنێری 964 لە شوێنی رووداوەکە لە سێبیران کە نزیکی فڕۆکەخانەی نێودەوڵەتی هەولێرە دیمەنی دوو تراکتۆر و دەڕاسەی ماڵێکی تۆمارکردووە کە بەهۆی پارچەی درۆنەکانەوە لەکارکەوتوون و خاوەن ماڵیش زەرەرو زیانی جۆراوجۆری بەر خانووەکەی کەوتووە.
حەمەد رەشید هاوڵاتییەکی سێبیرانە و شایەدحاڵی رووداوەکەیە بە 964 ی وت، جگە لەو زیانانەی بە ئامێرەکان کەوتووە، 15 ماڵی دیکەش زەرەرمەندن و سێ منداڵیش بە سووکی بریندارن.
پێداچوونەوە؛ فەرهاد حەسەن
