حەشدی شەعبی بۆردومان کرا لە کەرکوک
لیژنە دروستکراوە
حکومەتی عێراق سکاڵای هەیە و دژی بۆردومانی حەشدی شەعبییە
964+
ئەحمەد مستەفا
ئەمڕۆ پێنجشەممە، سەباح نوعمان وتەبێژی فەرماندەی گشتی هێزە چەکدارەکان ئاشکرای کرد، کە حکومەت دەستی کردووە بە تۆمارکردنی سکاڵا دژی ئەوانەی بوونەتە هۆی بۆردومانکردنی بارەگاکانی حەشدی شەعبی و هێزە ئەمنییەکانی دیکەی عێراق.
نوعمان بە ئاژانسی هەواڵی عێراقی وتووە، سەرزەنشتێکی توندی هێرشە ترسنۆکانەکەمان کرد کە کرایە سەر بارەگاکانی حەشدی شەعبی، کە دامەزراوەیەکی ئەمنی حکومی فەرمییە و ئەرکی پاراستنی ئاسایش و پارێزگاریکردن لە عێراق جێبەجێ دەکات.
ئەو وتیشی هێرشەکە بێ پاساوە و دەستمان کردووە بە ڕێکارە یاساییەکان دژی ئەوانەی بوونەتە هۆی لەدەستدانی گیانی پاڵەوانانی حەشدی شەعبی و هێزە ئەمنییەکانی تر.
بە قسەی ئەو، فەرماندەی گشتی هێزە چەکدارەکان، لیژنەیەکی بۆ سەردانیکردنی خێزانی کوژراوەکان و بەدواداچوون بۆ باری بریندارەکان پێکهێناوە و چاودێری دۆخی بریندارەکان دەکات، هەروەک سەرۆک وەزیرانی عێراق، رێنمایی داوە بۆ دابینکردنی تەواوی پاڵپشتی و چاودێری پزیشکی پێویست بۆ گەڕانەوەی بریندارەکان و چاکبوونەوەی تەواویان.
ئەوە لە حاڵێکدا، چەند رۆژی رابردوو لە شارەکانی عێراق ژمارەیەک بارەگای حەشدی شەعبی لەلایەن فڕۆکە جەنگییەکانی ئەمریکا و ئیسرائیل بۆردوومان کرا.
