بارانەکە بەخوڕ بوو
لە چەند شەقامێکی هەولێر گرفتی هاتوچۆ دروست بوو
964+
عەبدولعەزیز خالند – هەولێر
بەهۆی بارانی بەخوڕ لە بەشێک لە شەقام و گەڕەکەکانی هەولێری پایتەخت ئاوێکی زۆر پەنگی خواردووەتەوە و ئاستەنگی هاتوچۆی دروست کرد.
ئێوارەی ئەمڕۆ یەکشەممە 15.3.2026 لە زۆربەی ناوچەکانی کوردستان بارانی بەلێزمە باری، لە هەولێر لەچەند گەڕەک و شەقامێک وەک شەقامی 60 مەتری و جادەی کۆیە ئاو کۆبووەوە و گرفتی هاتوچۆی دروستکرد، بەشێوەیەک ئۆتۆمبێلی بەرزیش بەزەحمەت لە جادە و رێگاوبانەکان دەپەڕینەوە.
لە چەند شوێنێک، ئۆتۆمبێلی هاوڵاتیان پەکی کەوت و بەهاوکاری پۆلیسی هاتوچۆ دەربازیان بوو.
پێداچوونەوە؛ شۆڕش قادری
ئەو شوێنانەی لە هەولێر لافاوی تیادا دروستبووە
