بەشى مووچە ناکات
هێشتا ماویەتى؛ بەشێکى ترى پارەى موچە گەیشت
964+
وریا فەتاح
کەمێک لەمەوبەر، گوژمەیەکی تر لە تەمویلی مووچەی مانگی شوبات خرایە سەرهەژماری بانکی وەزارەتی دارایی، بەڵام هێشتا بەشى موچەى فەرمانبەرانى هەرێم ناکات.
وەزارەتى دارایى و ئابورى بڵاوى کردەوە، دوانیوەڕۆى ئەمڕۆ شەممە 8ـى ئازارى 2026، گوژمەیەکى تر بە بڕى 365 ملیار و 702 ملیۆن دینار، وەک بەشێکی تر لەتەمویلی مووچەی مانگی شوباتی فەرمانبەرانی هەرێمی کوردستان خرایە سەر هەژماری بانکی وەزارەتی دارایی و ئابوری هەرێمی کوردستان لەلقی هەولێری بانکی ناوەندی عێراق.
دەشڵێت: چاوەڕێ دەکەین سبەی دووشەممە لەگەڵ گەیشتنی تەواوی تەمویلی مووچە لەلایەن وەزارەتی دارایی عێراقەوە راستەوخۆ دەست بەدابەشکردنی مووچەی مانگی شوبات بکەین.
ئەوەش لە کاتێکدایە، رۆژى 5ـى ئەم مانگە، بڕى 274 ملیار و 962 ملیۆن دینارـ وەک بەشێک لە تەمویلى موچەى مانگى دوو خرایە سەر هەژمارى وەزترەتى دارایى هەرێم.
بەمەش 640 ملیار و شتێک خراوەتە سەر هەژمارى وەزارەتى دارایى و هێشتا پێویستى بە نزیکەى 300 ملیار دینارى دیکە هەیە بۆ ئەوەى بتوانێت موچەى فەرمانبەرانى هەرێمى کوردستانى پێبدات.
