بەساڵاچوو و خاوەن پێداویستى تایبەتن
مارکێتێک سفرەی بەربانگی بۆ “کۆمەڵگای دایک” رازاندەوە
964+
وریا فەتاح
ئێوارەی ئەمڕۆ مارکێتێکی شاری سۆران، لە دەستپێشخەرییەکدا خوانێکی بەربانگی بۆ دانیشتووانی “کۆمەڵگای دایک” رێکخست، کە سەرجەم توێژە تایبەتەکانی کۆمەڵگەی لەخۆگرتووە.
عەبدولعەزیز ساڵح، نوێنەری مارکێتەکە قسەی بۆ 964 کردووە و دەڵێت: ئێوارەخوانەکە تایبەت بووە بەو توێژانەی لەنێو کۆمەڵگای دایک دەژین، کە پێکهاتوون لە (بێسەرپەرشتان، بەساڵاچووان، ئۆتیزم، خاوەن پێداویستی تایبەت و نابیست و نابینایان).
نوێنەری مارکێتەکە دەڵێت: “ئەوەی هەمانە خوا پێیداوین و ئەمانەتە، بۆیە بەردەوامین لەو کارانە و هاوکاری خەڵک بە ئەرکی خۆمان دەزانین”.
پەیامێکیشی بۆ دەوڵەمەندەکان هەیە و دەڵێت: “لە مانگی رەمەزاندا خەڵکانی نەدار و خاوەن پێداویستییەکانتان لەبیر بێت، بۆ ئەوەی کۆمەڵگەیەکی تەندروستمان هەبێت”.
پێداچوونەوە: وریا فەتاح
