لە هەریر خۆبەخشان سندوقێکی کۆکردنەوەی هاوکاریان بۆ گەنجێکی کەمدەرامەت داناوە

964+

فەرهاد حەسەن

خۆبەخشانی هەریر جارێکی دیکە سندوقی کۆکردنەوەی هاوکارییان لەناو بازاڕی قەزاکەیان دانایەوە، بەڵام ئەمجارەیان بۆ گەنجێکی کە کۆمەڵێک کێشەو گرفتی تەندروستی هەیە و لە خێزانێکی دەستکورت و هەژاریشە.

كەریم برایم مەرزانی، سەرۆكی رێكخراوی (هەریری من) بۆ كاری مرۆیی، کە سەرپەرشتی کۆکردنەوەی هاوکارییەکە دەکات، بە 964 ی وت، دانانی سندوقەکە بۆ گەنجێکە بەناوی شوکر حاجی، کە لە ئازارو مەینەتییەکی سەختدا دەژیت.

وتیشی “ئەم گەنجە قاچێکی کورتە و پێویستی بە درێژ کردنەوەیە دەستێکی نیەو پێویستی بە دانانی دەستە و بەهۆی زۆر دانیشتنیشەوە ریخۆڵەکانی وەستاون ئەویش پێویستی بە نەشتەرگەریە، واتە لەیەک کات پێویستی بە ئەنجامدانی سێ نەشتەرگەری، هەیە”.

ئاماژەی بەوەشکرد وەکو بەدواداچوونیان بۆ چارەسەرییەکەی کردووە، تێچوی کۆی نەشتەرگەریەکان بڕی 30 ملیۆن دیناری پێویستە و  لە وڵاتی هیندستانیش ئەنجام دەدرێت.

باسی لەوەشکرد، بۆ ئەم کارەیان بەرێوەبەرایەتی ئەوقافی شەقڵاوە و تەواوی مامۆستایانی ئایینی هەریر و باتاس و باسرمە پشتیوانیان دەکەن و بۆ ئەم مەبەستەش رۆژی هەینی کەمپێنێک لە تەواوی مزگەوتەکان دادەنێن بۆ ئەوەی بتوانن ژیانی ئەم گەنجە لە مردن رزگار بکەن.

سندوقەکە لە پێش بازاری سەوزە و میوەفرۆشانی ناو بازاڕی قەزای هەریر داندراوە وداوا لە خێرخوازان و مرۆڤدۆستان دەکەن هاوکار بن بۆ ئاسایی کردنەوەی ژیانی  ئەم گەنجە.

یان دەتوانن هاوکاریەکانیان لە رێگای ئەو ژمارانەوە بگەیەنن:

07504375658

07504952752

07830615959

07824452752

‏fastpay:7504375658

‏FIB: 7504952752

کی کارد: 6638213543

بڕیاریان داوە تاوەكو لە ژیاندابن هەموو رەمەزانێك نانی بەربانگ بۆ كەمدەرامەتەكان دابین دەكەن

له‌ هه‌ریر خۆبه‌خشان سندوقى كۆكردنه‌وه‌ى هاوكاری بۆ خێزانێك داده‌نێن