لە رۆژئاواى کوردستانەوە بۆ ئەڵمانیا: هاوڵاتیان ئاگادارى کۆنگرەى میونخن

964+

ئۆفێسى 964 لە رۆژئاواى کوردستان

لە کاتێکدا سەرکردەکانی جیهان لە کۆنفرانسی ئاسایشی میونخن کۆبوونەتەوە، تیمەکانی 964 لە عامودای رۆژئاواى کوردستان رای هاوڵاتیانیانى ئەوێیان لەبارەى کۆنفرانسەکەوە وەرگرت و دەرکەوت کە بە وردى ئاگادارى کۆنفرانسەکە و جوڵەى سەرکردەکانى کوردن.

ئەو هاوڵاتیانە باسیان لەوە دەکرد کە ئاگادارن نێچیرڤان بارزانی، مەزڵوم عەبدی، ئیلهام ئەحمەد و د. بەرهەم ساڵح لە میونخن، ئەوان دڵخۆشیی خۆیان دەربڕی بەوەی لە کۆڕبەندێکی جیهانیی وەهادا، کورد بەشدارە.

زۆربەیان دڵخۆشبوون بەوەى کە کورد بەو قەبارەیەوە بەشدارە و سوپاسى هەرێمى کوردستانیشیان کرد لە رۆڵێکى گەورەى هەبووە بۆ بەشدارى بڕیاربەدەستانى رۆژئاوا لە کۆنگرەکە.

پێداچوونەوە: وریا فەتاح