"ئەمڕۆ ئەزمەی گوڵ دروست دەبێت"
1000 چڵ گوڵ کراوە بە چەپکە و بۆ کەسێک ئامادە کراوە
964+
دیلان محەمەدجەزا – سلێمانی
ئەمڕۆ رۆژی ڤالانتاین و خۆشەویستیییە و عاشقان و کەپڵەکان بە بەخشینی گوڵ و دیاری جۆراوجۆر پیرۆزبایی لە یەکتر دەکەن و دڵیان خۆش دەکەن.
لە گوڵفرۆشییەکی سلێمانی، هەزار چڵ گوڵ کراوە بە پاکێجێک و ئامادە کراوە بۆ کەسێک، شادیە مستەفا خاوەنی گوڵفرۆشییەکە قسەی بۆ مایکی 964 کردووە و دەڵێت، ئامادەکردنی ئەو چەپکە گوڵە، کاتێکی زۆری خایاندووە و سێ کارمەند ئیشی تێداکردووە، کێشەکەشی زۆر قورسە، چونکە ژێرەکەی ئیسفنجی تەڕە.
ئاماژەی بەوەشکرد، ئەمڕۆ لە کوردستانیش هاوشێوەی زۆربەی وڵاتانی جیهان، ئەزمەی گوڵ دروست دەبێت و نرخی هەر چڵێکی بووە بە سێ هەزار دینار.
پێداچوونەوە؛ شۆڕش قادری
