سبەی لێزمە باران دەبێت

نمەبارانی پچڕ پچڕ بەردەوام دەبێت

11:58

964+

شۆڕش قادری

نمەبارانی پچڕ پچڕ بەردەوام دەبێت و سبەی لە ئیدارەی گەرمیان و چەند شوێنێکی تر بارانی بەخوڕ دەبێت.

بەپێی پێشبینییەکانی کەشناسی هەرێم، ئەمڕۆ پێنجشەممە 12.2.2026 ئاسمان بەگشتی نیمچە هەور و لە هەندێک ناوچە و سەنتەری پارێزگاکانی سلێمانی و دهۆک ئەگەری نمەبارانی پچڕ پچڕ هەیە.

بارانبارینەکە بۆ سبەی هەینی زیاتر دەبێت و بەتایبەتیش لە بەشێک لە ئیدارەی گەرمیان بارانی بەلێزمە دەبێت و هەندێک جاریش هەورە تریشقەی لەگەڵ دەبێت.

پلەی گەرما گۆڕانکاری ئەوتۆ بەخۆیەوە نابینێت و کەشەکە تاڕادەیەک وەک ئەم چەند رۆژە دەبێت.

بەرزترین پلەکانی گەرمای پێشبینیکراوە بەپلەی سیلیزی؛

هەولێر: 17 پلەی سیلیزی

پیرمام: 12 پلەی سیلیزی

سۆران: 13 پلەی سیلیزی

حاجی ئۆمەران: 7 پلەی سیلیزی

سلێمانی: 16 پلەی سیلیزی

چەمچەماڵ: 17 پلەی سیلیزی

دهۆک: 14 پلەی سیلیزی

زاخۆ: 14پلەی سیلیزی

هەڵەبجە: 18 پلەی سیلیزی

گەرمیان: 19 پلەی سیلیزی