لە کەلار
لە رووداوێکی ھاتوچۆدا گەنجێکی ماتۆڕسوار گیانی لەدەست دا
964+
میلاد جەلال – گەرمیان
بەهۆی رووداوێکی هاتوچۆ لە گەرمیان ماتۆڕسوارێک گیانی لەدەس تدا و هاتوچۆش دەستی بە لێکۆڵینەوە لە رووداوەکە کردووە.
رووداوەکە، بەم ئێوارەیە لە گەڕەکی شارەوانی دووی قەزای کەلار لە نێوان ئۆتۆمبێلێکی بارھەڵگر و ماتۆڕسکیلێکدا روویداوە.
وتەبێژی بەڕێوەبەرایەتیی ھاتوچۆی گەرمیان سامان عەلی بە 964ى وت، کەمێک پێش ئێستا لە گەڕەکی شارەوانی دوو لە قەزای کەلار رووداوێکی ھاتوچۆ لە نێوان بارھەڵگرێک و ماتۆڕسکیلێک روویداوە و کەسێک گیانی لەدەستداوە.
وتیشی “ئەو کەسەی گیانی لەدەستداوە، شۆفێری ماتۆڕسکیلەکەیە، تەمەنی 26 ساڵە”.
ئاماژەی بەوەش کرد، لێکۆڵینەوەیان لە رووداوەکە دەستیپێکردووە و تەرمی گەنجەکەش رەوانەی پزیشکی دادی کەلار کراوە.
پێداچوونەوە؛ فەرهاد حەسەن
