مادە خۆراکییەکان لای بریکارێکی دابەشکردنی بەشە خۆراک - وێنە: 964
وەزارەتى بازرگانى عێراق:
بڕینى بەشەخۆراکى ئەو فەرمانبەرانەى موچەیان لە ملیۆنێک زیاترە راست نییە
964+
وریا فتاح
وەزارەتی بازرگانیی عێراق بە فەرمی ئەو دەنگۆیانەی رەتکردەوە کە باس لە بڕینی بەشەخۆراکی مانگانەی ئەو فەرمانبەر و ئەندامانەی هێزە ئەمنییەکان دەکەن کە مووچەکانیان لە ملیۆنێک دینار زیاترە.
وەزارەتەکە لە بەیاننامەیەکدا رایگەیاند، ئەو هەواڵانەی لە هەندێک پەیج و میدیای ناڕەسمی بڵاوکراونەتەوە “دوورن لە راستییەوە” و هیچ بڕیارێکی لەو شێوەیە نییە.
وەزارەتەکە جەخت دەکاتەوە کە سیستەمی دابەشکردنی بەشەخۆراک وەک خۆی بەردەوامە.
جەختیش دەکاتەوە، تاکو ئێستا هیچ گۆڕانکارییەک لە میکانیزم و لیستی ئەو کەسانەدا نەکراوە کە شایستەی وەرگرتنی بەشەخۆراکن.
داواش لە هاوڵاتیان دەکات، نەکەونە داوی پڕوپاگەندەکان و زانیارییەکان تەنیا لە سایت و پەیجە فەرمییەکانی وەزارەتی بازرگانییەوە وەربگرن.
